அவனை நினைத்து

என் அன்பே!
நீலவானிடையே
நீந்திடும்
அருகில்
நிலவாய் - என் மனதில்
நீயிருந்தபோது
நிம்மதியுடன்
நிறைந்திருந்தேன் நிலத்தில்

ஆனால் இன்று நீயின்றி
நின் வதனம் காண
உனைத்தேடி நீச்சலிடுகின்றேன்

என் நித்திராதேவிதனைக் கலைத்த
நீ இன்று
நிம்மதியோடு உறங்குகின்றாயா?

நீரில் தத்தளிக்கும் மீனாய்
நிலையிழந்து நிக்கிறேன் நான்.

நிமிடங்கள் நாட்களாக
நாட்கள் நிறை மாதங்களாக
நின் சொல் கேட்க காத்து
நின்று களைத்துப் போகிறேன்.

நிதமும் உன் வரவிற்காய் - உப
நிமிடம்தனை ஒதுக்குகின்றேன்
நிச்சயம்
நீ வருவாய் என
நினைத்து
நித்திரை கொள்கிறேன்.

நீ தந்த உறவு என் மனதில்
நீங்காத சுவடு.