என் நிழலில் நீ வேண்டும்

உன் நினைவுகள்
என்னை தேடும்போதெல்லாம்
உன் வீட்டுக் கதவை
திறந்து பார் - என்
நிழல் உன் முன்நிற்கும்.

உன் நினைவுகள்
என்னை ரசிக்கும்போதெல்லாம்
உன் இதயக்கதவை
திறந்து பார் - என்
நிழல் உன் இதயத்திற்குள்
நிற்கும்

நான்
எந்த நேரத்திலும்
இறைவனிடம்
எனக்காக நான் வரம்
வேண்டியது இல்லை
நான் வேண்டுவதெல்லாம்
உனக்காக - நீ
என் மடி சாய வேண்டும்.

அப்போது ஆசையோடு
உன் தலை கோதி
உன் நெற்றியில் - நான்
அன்பாய் முத்தமிடும் நாள்
வரவேண்டும் என்றுதான்.

அந்த நாள் உன்
கண்கள் என்னிடம்
ரகசியங்கள் பேசும்
உன் நினைவுகள் எல்லாம்
எனக்குள் கவிதைகள் பாடும்

நீ
எப்போதும்
என் நிழலிலே இருக்க வேண்டும்
என் உயிரே.

- சிந்து