இதயம்

என்
இதயத் துடிப்பு
உன்னை இம்சைபடுத்தியதோ
என்னவோ
நரம்புகளை இழுத்து
முகம் மறைத்துக்கொண்டது
இதயம்

தவிப்பு

இரு விழிகளுக்கிடையே
என் இதயம் திருடிய
உன் தோற்றம்
நீ என்னை விட்டு
தொலைவில் இருக்கும்
ஒவ்வொரு நொடியும் நான்
இழந்து விடுகிறேன்
என்னை

காதல்

என் விழிகள் பார்த்தது
எத்தனை- ஆனால்
அதில் இனம் காட்டியது
உன்னைத்தானே!

உதடுகள் இருந்தும்
மொழிகள் இருந்தும்
என் மேல்
காதல் கொண்டது
உன் கண்கள் தானே!

கண்ணீர்

நான் சொட்டும்
கண்ணீரில் கூட
உன் கனவுகள்
கரைந்துவிடக்கூடாது
என்பதட்காகவே
என் அழுகை
நிறுத்தியவள்

சுவாசம்

ஒரு சுவாசம்
என்னையும் உன்னுள்
சிறைப்படுத்தி வைத்திருக்கும்
சுவாசம்

அது நீதானே

நினைத்துப் பார்த்ததுண்டு

அன்பு
திடீரென்று
வருவதில்லை

ஆசை
எப்போதும்
அழிவதில்லை

உள்ளம்
பிரிவை
ஏற்பதில்லை

இன்பத்தில்
துன்பம்
தெரிவதில்லை

வானவில்
மண்ணை
தொட்டதில்லை

வட திசை
தென் திசையை
நெருங்கவில்லை

என்
உயிர் எப்பொழுதும்
உன்னை விட்டு பிரிவதில்லை

காத்திருப்பு

நீ என்னை நேசிக்கும்வரை
நான் உன்னை நேசிப்பேன்
உன் பாதசுவட்டில்
நான் கால் பதிப்பேன்
நீ என் காதலனானால்.

நீ என் வேர்வைத்துளியிலே
நீராடி
என் சேலைதலைப்பிலே
நீர் துவட்டி
என் தேகசூட்டிலே நான்
உன்னை உறங்கவைப்பேன்
நீ என் காதலானானால்

நீ என் குழந்தையாவும்
நான் உன் குழந்தையாவும்
என் மடியில் நீ உறங்க
உன் மடியில் நான் உறங்க
இருவர் சுவாசமும் ஒன்றுணைந்து
ராகம் ஒன்று நான் தொடுப்பேன்
நீ என் காதலனானால்